გიორგი სვანიძე დაიბადა 7აპრილს, 1971 წელს საქართველოში. მის სახელს უკავშირდება მრავალი წარმატებული პროექტი საქართველოში, ევროპაში, სინგაპურში, ყაზახეთში და ა.შ. საქართველოში მისი საქმიანობა ძირითადად მოიცავს უძრავ ქონებას, სოფლის მეურნეობასა ადა საცალო ვაჭრობის სექტორს. მათ შორისაა ისეთი დასრულებული და მიმდინარე პროექტები, როგორიცაა შატო სვანიძის მეღვინეობა, სვანიძის ზეთისხილის ზეთი, ქინგს გარდენი, კრწანისი ჰილსი, პეტრა სი რეზორტი, შავნაბადა, ნიუ გუდაური, შეიხლენდი, კოლხიდას ველი, ეურო ბილდინგი, გოგორდის აბანოები, მარანი და სხვა.

გიორგი სვანიძე იყო პირველი, ვინც საქართველოში ზეთისხილის კულტურა შემოიტანა და 2019-2021 წელს საერთაშორისო ზეთისხილის საბჭოს თავმჯდომარის პოზიცია დაიკავა, ის არის საქართველო-საუდის ბიზნეს საბჭოს, საქართველო-ინდონეზიის ბიზნეს ასოციაციისა და საქართველო-იაპონიის ბიზნეს ასოციაციების პრეზიდენტი. 2019 წელს გარემოს დაცვის და სოფლის მეურნეობის სამინისტროს მრჩეველი და სავაჭრო სამრეწველო პალატის წევრი. 2015 წელს კი პატრიარქის ფონდის „გაამწვანე საქართველოს“ თავმჯდომარე.

მისი წარმატებული პროექტებისა და სხვადასხვა მიმართულებით შეტანილი წვლილისთვის, მიღებული აქვს ჯილდოები, როგორიცაა საუკეთესო ინვესტორი (ჯორჯიან თაიმსი, 2018წელს),  საუკეთესო ბიზნესმენი (ჯორჯიან თაიმსი, 2019წელს), საუკეთესო ინვესტორი ზეთისხილის სექტორში (ბიზნეს თაიმსი, 2019წელს), ოქროს მედალი და პრიზი (პროდექსპო, 2019წელს), დიასპორის სამინისტროს საპატიო მედალი (2015წელს), ოქროს ფრთა და ა.შ.
გიორგი სვანიძემ 1988-1993 წელს დაასრულა მანქანათმშენებლობის და კონსტრუქციის ინჟინერინგის ფაკულტეტი საქართველოს ტექნიკურ უნივერსიტეტში, 1996-1998 წლებში ნიდერლანდებში – დენტიონის კოლეჯი, 2002-2003 წლებში კი ბიზნეს კომუნიკაციები ბერლიცის კოლეჯში,ჩიკაგოში, ამერიკის შეერთებულ შტატებში. საუბრობს ქართულად, ინგლისურად და ჰოლანდიურად.

ის აქტიური ფილანტროპია, აშენებული და აღდგენილი აქვს არაერთი ეკლესია და სამონასტრო კომპლექსი, ასევე საცხოვრებელი შეზღუდული შესაძლებლობების მქონე ბავშვებისთვის და გაუცია შემოწირულობა ბავშვთა სახლებისთვის. ასევე, აშენებული აქვს რამდენიმე გასართობი პარკი ბავშვებისთვის.

გიორგი სვანიძე იყო პირველი, რომელიც ორჯერ იქნა არჩეული საერთაშორისო ზეთისხილის საბჭოს პრეზიდენტად 2019 და 2020 წლებში, ამჟამად, ის ისევ წარმოადგენს საქართველოს, როგორც ამბასადორი.

2023 წლიდან, გახლავთ ინდონეზიის რესპუბლიკის საპატიო კონსული კახეთში, საქართველოში.